SIKU YA WACHAGA YAFANA SANA MJINI MOSHI

Chagga day ilivyopambwa ndani ya zumbaland mjini moshi.

Boda 2 boda wakiwajibika jukwani shoo ya chagga day moshi ndani ya zumbaland.

ommy dimpoz akiimba na washabiki chagga day moshi.

ommy dimpoz akimuimbisha mtoto shoo ya chagga day ndani ya zumbaland.

thecla mgaya 'aisha' wa mambo hayo alikuwemo ndani ay nyumba akifurahia chagga day pale zumbaland moshi.

Baadhi ya wanamuziki wa serengeti band ya arusha kabla ya kutumbuiza tamasha la chagga day moshi ukumbi wa kisasa wa zumbaland.

Mtoto akichorwa katika mashamsham ya chagga day ukumbini Zumba Land.
Mkurugenzi uhuru museum akitoa historia ya kabila la wachagga.

Tamasha kubwa la kihistoria lililopewa jina la Chagga Day Cultural Festival 2012 - Moshi lilifanyika kwenye ukumbi wa ZUMBA LAND katika manispaa ya Moshi siku ya Jumamosi tarehe 22/12/2012 kuanzia saa sita mchana mpaka saa sita usiku na kuhudhuriwa na mamia ya wakazi wa mji huo huku baadhi wakioongozana na familia zao.

Tamasha hilo lililotawaliwa na shangwe za mara kwa mara kutoka kwa wakazi wa mji wa Moshi waliofurika kwenye viwanja hivyo maarufu kwa michezo ya watoto, liliandaliwa na kampuni ya Myway Entertainment ya jijini Dar chini ya Mkurugenzi wake Paul Mganga na kudhaminiwa na kampuni ya bia (TBL) kupitia bia ya Safari Lager na kampuni ya vinywaji baridi (SBC) kupitia kinywaji chake murua cha Pepsi.

TBL YAFANIKISHA UPANDAJI MITI 2600 MWANZA

 Mgeni rasmi katika kampeni ya Mradi wa Upandaji Miti jijini Mwanza, Henry  Mongi, akipanda mti  wakati wa kampeni hiyo katika moja ya mitaa ya jiji hilo.Anayeshudia kulia ni Afisa Ubora wa Kampuni ya Bia Tanzania (TBL), Caroline Muhonoli na wa pili kutoka kulia ni Diwani wa Kata ya Mkuyuni, Fasheni Lugo. Mradi huo umefadhiliwa na Kampuni ya Bia Tanzania.

 Mkurugenzi wa Uhusiano na Sheria wa Kampuni ya Bia Tanzania (TBL) Steven Kilindo,  akifukia udongo kwenye shimo alilopanda mti wakati wa kampeni ya  upandaji miti jijini Mwanza mwishoni mwa wiki..Wanaoshuhudia katikati ni Meneja Ubora wa kampuni hiyo, Caroline Muhonoli na nyuma ya Kilindo ni  Diwani wa Kata ya Mkuyunim, Lugo Fashen.TBL imetumia zaidi ya milioni 30 kupanda miti 7000 katika mikoa ya Mwanza,Kilimanjaro na Mbeya. Kwa Mkoa wa Mwanza pekee imetumia sh. mil. 10 kupanda miti 2600.

 Meneja wa TBL Mwanza, Richmondx Raymond akipanda mti katika uzinduzi wa mradi  wa upandaji miti jijini Mwanza mwishoni mwa wiki, uliofanywa na kampuni  hiyo kwa kupanda miti 2600 kando kando ya barabara za Balewa, Kenyatta,  machemba na shule za sekondari Nyamaganana na Nyegezi na Kiwanda cha Bia cha kampuni hiyo.

BILAL MUSLIM MISION YAWEZEHA WATU 90 KUWEZA KUONA WILAYA YA RUANGWA

 Mkuu wa wilaya ya Ruangwa,Agness Hokororo akiwasalimia baadhi ya wagonjwa waliofanyiwa upasuaji wa macho bila malipo kwa udhamini wa Bilal Muslim Mission wilayani humo

 Mbunge wa Jimbo la Ruangwa ambae pia ni Naibu waziri wa Tamisemi,Kassim Majaliwa akiwa na Bi Somoe Omary alipomtembelea katika hospital ya wilaya ya Ruangwa baada ya kufanyiwa upasuaji wa macho na kuweza kuona baada ya kutoona kwa miaka 10

 Bi Somoe Omary akifurahi baada ya kufanyiwa upasuaji na kuweza kuona baada ya kutoona kwa miaka 10

 Bango la matangazo

Mbunge wa Ruangwa akiwa pamoja na Mkurugenzi mtendaji wa Halmashauri ya Wilaya ,Reubern Mfune wakiwa katika picha ya pamoja na baadhi ya wagonjwa waliotibiwa na kuweza kuona.

Picha zote na Abdulaziz Video

MAKAMU WA KWANZA WA RAIS ZANZIBAR NA KATIBU MKUU WA CHAMA CHA WANANCHI CUF MAALIM SEIF SHARIF HAMAD: "MWAKA WA 2012 NI MWAKA WA HISTORIA"

   Makamu wa Kwanza wa Rais Zanzibar na Katibu Mkuu wa CUF Maalim Seif Sharif Hamad akiwahutubia wafuasi wa chama hicho katika mkutano wa kufunga mwaka uliofanyika viwanja vya Kibandamaiti.

Mwakilishi wa Jimbo la MjiMkongwe Zanzibar Ismail Jussa Ladhu (CUF), akiwahutubia wafuasi wa chama hicho katika mkutano wa kufunga mwaka uliofanyika viwanja vya Kibandamaiti.

   Kaimu Naibu Katibu Mkuu wa CUF Zanzibar Hamad Massoud Hamad, akiwahutubia wafuasi wa chama hicho katika mkutano wa kufunga mwaka uliofanyika viwanja vya Kibandamaiti.

  Wafuasi na wapenzi wa CUF wakiwa katika mkutano wa kufunga mwaka ulioandaliwa na chama hicho katika viwanja vya Kibandamaiti.

  Wafuasi na wapenzi wa CUF wakiwa katika mkutano wa kufunga mwaka ulioandaliwa na chama hicho katika viwanja vya Kibandamaiti.Picha na Salmin Said-Ofisi ya Makamu wa Kwanza wa Rais Zanzibar

Makamu wa Kwanza wa Rais Zanzibar na Katibu Mkuu wa Chama Cha Wananchi CUF Maalim Seif Sharif Hamad amesema mwaka 2012 umekuwa na umuhimu wa kipekee katika historia ya kisiasa Tanzania.

Amesema ndani ya mwaka huu unaomalizika Watanzania katika mikoa yote wamepata fursa ya kutoa maoni yao juu ya uundwaji wa katiba mpya ya Tanzania ambayo yatatoa mwelekeo imara wa mustakbali wa nchi.

Maalim Seif ambaye pia ni Makamu wa Kwanza wa Rais wa Zanzibar ametoa kauli hiyo mwishoni mwa wiki wakati akihutubia mkutano maalum wa hadhara wa Chama hicho kwa ajili ya kuuaga mwaka 2012, uliofanyika viwanja vya Kibandamaiti Zanzibar.

Amesema suala la kuwashirikisha wananchi katika jambo kubwa kama hilo la kuamua juu ya mustakbali wa nchini yao ni la kihistoria, na kutaka maoni ya wananchi wa pande mbili za Muungano yathaminiwe na yaheshimiwe.

 

Amempongeza Rais wa Jamhuri ya Muungano wa Tanzania Mhe. Jakaya Mrisho Kikwete kwa kubariki uundwaji wa katiba mpya ya Tanzania na kuwashirikisha wananchi, suala ambalo lilikosekana katika awamu zilizopita za uongozi.

 

“Nachukua fursa hii kumpongeza sana Rais Kikwete kwa kubariki jambo hili, wakati wa marehemu Mwalimu Nyerere ilionekana kama uhaini kuzungumzia masuala ya Muungano hadharani lakini leo hii kila mwananchi anayo haki ya kuujadili kabisa”,alieleza Maalim Seif na kuongeza kuwa hiyo ni hatua kubwa zaidi ya kisiasa kuwahi kufikiwa Tanzania.

 

Ameuombea mwaka mpya wa 2013 uwe wa neema ambao utaisababishia Zanzibar kusonga mbele katika kufikia malengo yake iliyojipangia.

 

Maalim Seif amewashuku wananchi wa Zanzibar kwa kuonyesha mshikamano wakati wa utoaji wa maoni, na kwamba umoja wa Wazanzibari ndio utakaopelekea kupatikana kwa Zanzibar yenye mamlaka kamili ndani na nje ya Zanzibar.

 

Kwa upande wake Kaimu Naibu Katibu Mkuu wa CUF Zanzibar Hamad Massoud Hamad amesema chama chake kinajipanga kwa ajili ya kupata ushindi mkubwa katika uchaguzi mkuu wa mwaka 2015.

Amewaomba wananchi kuendelea kukiunga mkono chama hicho ili kiweze kutatua kero ya ukosefu wa ajira unaowakabili vijana wengi wa Zanzibar.

 

“Vijana wengi wa Zanzibar bado hawana ajira, vijana hawa wamesoma wengine hadi vyuo vikuu na wazee wao wametumia fedha nyingi kuwasomesha lakini wapi, ajira imeota mbawa”,alisema Hamad Massoud.

 

Nae Mwakilishi wa Jimbo la Mjimkongwe Ismail Jussa Ladhu, amesewa Wazanzibar wameitumia vyema fursa yao ya kutoa maoni, tofauti na ilivyoelezwa na baadhi ya wajumbe wa Tume wa kukusanya maoni.

 

Amefahamisha kuwa maoni waliyoyatoa Wazanzibari ni sahihi na wala hawakupoteza fursa hiyo kama ilivyodaiwa, ikizingatiwa kuwa suala la msingi kwa Zanzibar ndani ya Muungano ni “Muungano wenyewe” kwa vile Zanzibar ina katiba yake ambayo imeweka wazi juu ya masuala yote yanayohusu nchi ya Zanzibar.

 

 Na: Hassan Hamad 

Ofisi ya Makamu wa Kwanza wa Rais Zanzibar

RAISI WA ZANZIBAR DK SHEIN AKUTANA NA WAJUMBE WA TUME YA UCHAGUZI YA ZANZIBAR

Rais wa Zanzibar na Mwenyekiti wa Baraza la Mapinduzi Zanzibar,Dk.Ali Mohamed Shein,akisalimiana na Mwenyekiti wa Tume ya Uchaguzi Zanzibar,(ZEC) Khatib Mwinyichande,akiongoza ujumbe wa Tume hiyo walipofika Ikulu Mjini Zanzibar,Kumuaga Rais kwa kumaliza muda wa kazi wa Tume hiyo jana.

Rais wa Zanzibar na Mwenyekiti wa Baraza la Mapinduzi Zanzibar,Dk.Ali Mohamed Shein,akipokea Ripoti ya Tume ya Uchaguzi Zanzibar,(ZEC) kutoka kwa Mwenyekiti wake Khatib Mwinyichande,alipoongoza ujumbe wa Tume hiyo walipofika Ikulu MjiniZanzibar,Kumuaga Rais kwa kumaliza muda wa kazi wa Tume hiyo jana.Picha na Ramadhan Othman,Ikulu.

HOJA YA MDAU: UFAHARI WA KWENYE MISIBA UONESHENI KATIKA UGONJWA WA MZEE SMALL

 

Staa wa Vichekesho na Filamu Bongo, Said Mohamed Ngamba ‘Mzee Small’ akiwa amelazwa hospitali kutokana na maradhi yanayomsumbua.

KWENU mnaohusika na sanaa ya filamu Bongo. Mnajitambua sina haja ya kuwataja mmojammoja kwa majina, nitamaliza ukurasa bure.

Mimi najua mpo poa, mnaendelea na majukumu yenu ya kila siku. Binafsi niko poa, naendelea na majukumu yangu ya kila siku ikiwamo hili la kuwaandikia barua.

Barua yangu leo moja kwa moja nailekeza kwa nyinyi wote ambao watu sasa hivi wanawatambua kwa jina la mastaa wa filamu katika soko la Bongo, Bongo Movies.

Kikubwa ni kwamba, natambua mchango mlionao katika kusogeza gurudumu la maendeleo ya nchi. Natambua umuhimu wenu wa kuwatibu watu kisaikolojia kupitia filamu zenu mnazozifanya.

Hongereni kwa hilo.Katika taaluma yangu ya uandishi wa habari, mara kadhaa nimeshuhudia uwezo wenu katika kufanikisha mambo yanayowahusu, iwe ni sherehe au misiba.

Eeeh, kwenye sherehe basi mnalipuka na kushangweka kwelikweli. Kwenye misiba, mnahakikisha mnamsindikiza mtu anayewahusu kwa hadhi anayostahili.

Hoja hapa ni kwamba, hadhi ile ambayo mnajitutumua hadi kwenye misiba, kwa nini tusioneshe kwa mkongwe wa sanaa nchini, Said Ngamba ‘Mzee Small’? Tunashindwa nini? Mbona pesa zipo? 

Kwa nini tusimsaidie mzee wetu ambaye tunaimani alikuwa chachu ya vijana wengi kuingia kwenye sanaa?

Mzee wetu anasumbulia na ugonjwa wa kupararazi. Anashindwa kufanya shughuli zake za sanaa ambazo ndiyo chanzo cha pato lake la kila siku.

Binafsi nilisikitishwa na kupongeza kitendo cha Rais wa Shirikisho la Filamu nchini TAFF, Saimon Mwakifwamba kuingilia kati na kuanza kutembeza ‘bakuli’ la michango kwa ajili ya kumsaidia mzee huyo.

Nilisikitika kwani sikuona haja ya yeye kuingilia kati suala hilo ambalo naamini lilikuwa chini ya uwezo wenu, mnaweza bwana! Kikubwa ni kipi haswa? Mbona mna ‘mauwezo’, msinifanyie hivyo bwana.

Kwani kuna tatizo gani tukiweka nukta katika starehe hata kwa siku moja, tusipige kilevi siku hiyo halafu tujichangishe fedha za kumpa sapoti mwenzetu kwenye kipindi hiki ambacho anaumwa?

Hakika hili ni dogo, tukiamua tunaweza tena haliwezi kuharibu bajeti zenu hata kidogo.

Ni yule yule,

Mkweli Daima.

Joseph Shaluwa

KAYAMBA AFRICA

BONGE HUYO AMEPANDA BODABODA HII JE USAFIRI HUU ANAUTENDEA HAKI?

Usafiri wa Bodaboda namna unavyorahisisha mambo lakini waweza kuwa hatari sana hasa pale dereva na abiria wake wanapokuwa hawana Helmet.

PADRE APIGWA RISASI ZANZIBAR"HALI YAKE YATATANISHA"

Kwa mujibu wa Breaking News  toka Radio One, Padre anayejulikana kwa jina la Ambrose Mkenda amepigwa Risasi na Watu wasiofahamika kwenye gate la nyumbani kwake wakati akifunguliwa gate aingie nyumbani kwake maeneo Kitomondo Mjini Zanzibar, ambako ndiko makazi yake yalipo akiwa ndani ya gari aliyokuwa akiendesha pekee yake.

Hali yake sio nzuri kwani Risasi aliyopigwa imemdhuru maeneo ya mdomoni.

Waliompiga Risasi Padre huyo inasemekana ni watu waliokuwa kwenye pikipiki, ambao walimvamia akisubilia afunguliwe gate kuingia nyumbani kwake.

WAKRISTO WAHOFIA VURUGU ZA KIDINI, MAASKOFU WAITAKA SERIKALI KUCHUKUA HATUA DHIDI YA VIKUNDI HALIFU VYA KISIASA AU KIDINI.

Askofu wa Kanisa Katoliki, Jimbo Kuu la Dar es Salaam, Mwadhama Polycarp Kadinali Pengo.

GAZETI LA MTANZANIA DEC 26/ 2012.
JUKWAA la Wakristo Tanzania (TCF) limeitaka Serikali na vyombo vya Usalama kuchukua hatua za haraka kwa vikundi halifu vya kisiasa au kidini, vinavyochochea uvunjifu wa amani na sheria nchini.

Jukwaa hilo, ambalo linajumuisha Jumuiya ya Kikristo Tanzania (CCT), Baraza la Maaskofu Katoliki Tanzania (TEC), Jumuiya ya Makanisa ya Kipentekoste Tanzania (PCT) na Kanisa la Waadventisti Wasabato (SDA).

Jukwaa hilo, limesema tabia ya kuachia uchochezi wa kidini kuendelea, bila hatua madhubuti kuchukuliwa ni udhaifu mkubwa unaoonyeshwa na Serikali.

Akizungumza na waandishi wa habari mjini Dar es Salaam jana, wakati wa kutoa tamko rasmi la Jukwaa hilo, Mwenyekiti wa Jumuiya ya Kikristo Tanzania (CCT), Askofu Peter Kitula, alisema umoja huo unasikitishwa na vitendo viovu, ambavyo vimekuwa vikijitokeza kila kukicha.

Askofu Kitula ambaye pia ni Askofu wa Kanisa la Afrika Inland Church Tanzania, katika mkutano wa nne wa TCF, wajumbe walitafakari kwa undani juu ya kuzorota kwa uhusiano wa dini mbili za Kikristo na Uislamu.

“Katika mkutano wa nne wa Jukwaa la Wakristo Tanzania, tulitafakari kwa undani kuzorota kwa uhusiano baina ya dini zetu za Kikristo na Kiislamu na kutathmini wajibu wa kanisa na utume wake wa kinabii kwa taifa,” alisema Askofu Kitula.

Alisema kutokana na muono wao, kwa kauli moja walitaka lianzishwe baraza mahsusi ambalo litakuwa huru lisilo egemea chama chochote cha kisiasa wala dini, likiwa na dhumuni kuu la kulinda na kuiongoza Serikali.

“Baraza hili, litasaidia kuiongoza Serikali dira na dhana ya utu katika mfumo wa uchumi wenye kujali maslahi ya wote ambayo hayatapotoshwa, liwe na uwezo wa kuvichunguza vyombo vya sheria na usalama, itakapotokea matatizo makubwa yanayoashiria uvunjifu wa haki na kuteteresha usalama wa nchi,” alisema Askofu Kitula.

Alisema viongozi wa dini zote za Kikristo, Kiislamu, Kihindu na nyinginezo, wawafundishe waumini wao katika mienendo mema, hasa vijana ili kuwajengea uelewa na utashi wa kuvumiliana kwa upendo.

Alisema kuna masuala ambayo yanatakiwa kufafanuliwa na kudhibitiwa na dola mapema, ili yasiendelee kupotoshwa.

Alisema ni dhana potofu, kuwa Tanzania inaendeshwa kwa mfumo wa Kikristo.

Alisema maneno hayo ni ushahidi wa uwepo wa ajenda za waumini wenye imani kali na waliojiandaa kwa mapambano maovu kutetea dhana potofu na kinzani kwa misingi ya demokrasia na haki za binadamu, kama ilivyotangazwa na Umoja wa Mataifa.

“Pia ukiangalia kwa upande wa Zanzibar, asilimia 100 vingozi wa ngazi ya juu Serikalini ni Waislamu na sio kweli, Zanzibar hakuna Wakristo wenye sifa za kuongoza, hata viongozi wa tume ya mabadiliko ya Katiba, theluthi mbili ya wajumbe wake ni Waislamu.

“Watanzania wanapaswa kuelewa kuwa nchi hii inaongozwa kwa misingi ya utawala wa kisheria na si vinginevyo, hii ni mfano midogo tunayo mingine mingi iliyowazi,” alisema Askofu Kitula.

Alisema katika mikataba ya kumbukumbu, ‘memorandam of Understanding’ ya mwaka 1992, ambayo ilikuwa kwa ajili ya huduma za kijamii ambazo zinaendeshwa na makanisa nchini kote.

“Makubaliano hayo, yalilenga kutolewa kwa huduma za kijamii zitolewe na makanisa kwa Watanzania wote, ikiwa pamoja na huduma za hospitali, vituo vya afya, zahanati na shule mbalimbali zinazoendeshwa na makanisa nchini kote.

“Ni vema Watanzania wakaelewa makubaliano haya, yalikuwa kati ya makanisa ya Tanzania na makanisa ya nchini Ujerumani, ambapo Serikali ya Tanzania ilihusishwa kwa vile raia wake wangenufaishwa na misaada hii.

“Jukwaa la Wakristo Tanzania, tunaitaka Serikali itoe tamko la ufafanuzi juu ya makubaliano hayo, ili Watanzania waelewe maana, makusudi na manufaa kwa wananchi wote…

Kanisa limeendelea kujishughulisha na huduma hizi kwa jamii hata kabla ya uhuru na baada ya uhuru pasipo ubaguzi,” alisema Askofu Kidula.

GAZETI LA MWANANCHI. DEC 26/ 2012.
Maaskofu nchini watoa tamko zito.

Kwa ufupi

“Ukimya huu wa Serikali wakati kanisa linakashfiwa unatoa taswira kwa viongozi wa makanisa kuwa Serikali inaunga mkono chokochoko hizi…Kimsingi, unaponyamaza, maana yake unaunga mkono.”“Jambo hili linavyoendelea kuachwa hivihivi inaashiria hatari kubwa ya kiuhusiano siku za usoni, Tunaitaka Serikali ichukue jukumu lake la msingi la kusimamia amani.”

MAASKOFU nchini, jana walitumia ibada za Krismasi kukemea maovu, huku baadhi yao wakiwatuhumu matajiri nchini kuwa ndiyo kiini cha vurugu zilizosababisha kuchomwa kwa makanisa yao hivi karibuni.

Wakihubiri kwa nyakati na makanisa tofauti, viongozi hao walisema uhasama huo dhidi ya Wakristo ulioanza kujengeka katika siku za hivi karibuni, unafadhiliwa na baadhi ya matajiri kwa masilahi yao binafsi.

Katika tamko lao lililotolewa na Umoja na Makanisa Tanzania, maaskofu hao wameitaka Serikali kuchukua hatua dhidi ya mbegu za chuki zinazopandikizwa ili kuwafarakanisha Watanzania kwa misingi ya imani za dini.

Tamko hilo ambalo litarejewa Desemba 30, mwaka huu, ni makubaliano ya pamoja kati ya Kanisa la Kiinjili la Kilutheri Tanzania (KKKT), Moravian, Anglikana, Pentekoste, Wasabato na Kanisa Katoliki.

Askofu Dk Martin Shao wa KKKT Dayosisi ya Kaskazini akisoma tamko hilo wakati wa ibada ya pamoja, alidai kuwa baadhi ya vyombo vya habari vya kidini, vinawachochea watu ili wawaue maaskofu na wachungaji mbalimbali wa makanisa.

Pia, alihoji kauli zinazoenezwa kuwa nchi hivi sasa inaongozwa kwa mfumo wa Kikristo ilihali asilimia 90 ya viongozi wa juu nchini ni Waislamu.

“Labda niwakumbushe, viongozi wote waandamizi wa ngazi za juu nchini, asilimia 90 ni Waislamu, itakuwaje nchi iendeshwe kwa mfumo wa Kikristo?” alihoji Askofu Shao.

Aliwataja kuwa ni Rais na Amiri Jeshi Mkuu, Makamu wa Rais, Mkuu wa Usalama wa Taifa, Jaji Mkuu na Inspekta Jenerali wa Polisi (IGP).

“Kule Zanzibar, asilimia 100 ya viongozi wote ni Waislamu na si kweli kwamba Zanzibar hakuna Wakristo wenye sifa ya kuongoza,” alisema na kuongeza:

“Hata uwakilishi kwenye Tume kama ya kuandikwa kwa Katiba Mpya, theluthi mbili ya wajumbe wake ni Waislamu…

Nchi hii haina mfumo wa Kikristo, bali ni nchi yenye mfumo wa kidemokrasia.”

Aliitaka Serikali ithibitishe ukweli kuwa haiendeshwi kwa mfumo wa Kikristo badala ya kukaa kimya wakati maneno hayo ya uchochezi yanaenezwa hadharani.

“Ni wakati wa kukubali kuwa misingi ya haki, amani na upendo katika taifa letu imetikiswa kwa kiwango kikubwa. Kumekuwapo na dalili za wazi za uchochezi na kashfa dhidi ya Ukristo,” alidai.

Maaskofu hao wamewalaumu baadhi ya viongozi wa dini kutumia vyombo vya habari vya kidini, vipeperushi, mihadhara na kanda za video kukashfu dini nyingine.

“Ukimya huu wa Serikali wakati kanisa linakashfiwa unatoa taswira kwa viongozi wa makanisa kuwa Serikali inaunga mkono chokochoko hizi…Kimsingi, unaponyamaza, maana yake unaunga mkono.

”“Jambo hili linavyoendelea kuachwa hivihivi inaashiria hatari kubwa ya kiuhusiano siku za usoni. 

Tunaitaka Serikali ichukue jukumu lake la msingi la kusimamia amani.”

Askofu Pengo.
Katika mahubiri yake jana, Askofu wa Kanisa Katoliki, Jimbo Kuu la Dar es Salaam, Mwadhama Polycarp Kadinali Pengo aliwaponda matajiri wanaojivunia mali, akisema siyo kigezo cha mtu kuwa na furaha maishani.

Kadinali Pengo alisema hayo katika misa ya mkesha wa Krismasi iliyofanyika juzi katika Parokia mpya ya Mongolandege, Ukonga, Dar es Salaam.

Alisema ni makosa mtu kuhesabu mali kama sehemu ya mafanikio katika maisha kwani kuna wenye mali nyingi ambao hawana furaha.

“Utajiri unaambatana na shaka, hofu na wasiwasi kwa kufikiri kuwa huenda mali hii isinitoshe au itachukuliwa na watu wengine,” alisema Kadinali Pengo na kuongeza.

“Tusitafute mali kiasi cha kuwafanya watu wengine waumie, wahuzunike.

Kila mmoja atimize wajibu wake pale alipo, matokeo yake ndiyo yatakayoleta furaha.”

Askofu Mhongolo.
Kwa upande wake, Askofu wa Kanisa la Anglikana Dayosisi ya Kati, Godfrey Mhogolo amewataka waumini kuendelea kuienzi Krismasi kwa kujali na kuwekeza katika elimu ambayo ni msingi wa mambo yote.

Kiongozi huyo alisema kwa Wakristo, kuwa na dhana ya kujenga elimu katika maisha yao itawasaidia kujiletea heshima na kwamba watakuwa juu.

Askofu huyo alisema dhana nzuri ya kuthamini elimu hadi sasa waumini wa Kikristo nchini wamekuwa ni mfano wa kuigwa na jamii na taifa kwani kati ya jumla ya vyuo vikuu 19 vilivyoko nchini vyuo saba vinamilikiwa na Wakristo, 11 na Serikali huku kimoja kikiwa cha Kiislamu.

Askofu Mkude.
Askofu Thelesphory Mkude wa Jimbo la Morogoro amewataka waumini wa dini zote kushiriki vyema katika kuendeleza na kushika neno la Mungu na kuombea nchi hasa katika kipindi hiki cha kufunga mwaka na kukaribisha Mwaka Mpya.

Katika ibada ya mkesha wa Krismasi, Askofu Mkude alisema kuwa imefikia wakati sasa wa kumshirikisha Mungu kila jambo kwani kila siku matendo maovu yanaendelea kutokea na kusababisha kurudisha nyuma maendeleo ya nchi.

Askofu Sehaba.
Askofu wa Kanisa Kuu la Anglikana, Dayosisi ya Morogoro, Godfrey Sehaba ameitaka Serikali kuchukua hatua za haraka pale inapoona kuna tishio la uvunjivu wa amani nchini kuliko kukaa kimya na kusubiri likitokea ndipo ianze taratibu za kudhibiti.

Alisema kumekuwapo na vitendo vya uvunjifu wa amani vinavyofanywa na baadhi ya waumini wa dini kama uchomaji wa makanisa na kusema Serikali inapaswa kutovifumbia macho.

Askofu Mwombeki.
Askofu Edson Mwombeki wa Kanisa la Free Evangelism Tanzania amewataka Watanzania wote kulinda amani na utulivu.

Akihubiri kwenye ibada ya Krismasi iliyofanyika katika Manispaa ya Shinyanga, aliwaomba Watanzania wote wabadilike na kuwa na tabia njema kwani kwa sasa watu wengi wamepoteza uadilifu, amani na uzalendo.

CHADEMA YAIIJIA JUU JWTZ KUHUSU ASKARI ALIYEPIGA PICHA NA GODBLESS LEMA.

Mbunge wa Ubungo na Mkurugenzi wa Habari na Uenezi wa Chadema, John Mnyika.

 Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha akiwa na wabunge wa Chadema,Godbless Lema (Arusha Mjini) na Joshua Nassari (Arumeru Mashariki) baada ya kumalizika kwa mkutano wa hadhara uliohutubiwa na wabunge hao katika Mji mdogo Mererani,Simanjiro mkoani Manyara.

SIKU moja baada ya Jeshi la Wananchi wa Tanzania (JWTZ), kutangaza kumsaka mtu aliyepiga picha na Mbunge wa Arusha Mjini (Chadema), Godbless Lema akiwa amevalia sare za jeshi hilo, chama hicho kimeibuka na kulijia juu jeshi hilo.

Hata hivyo, mbali na kauli hiyo, jeshi hilo limekijibu Chadema likisema kwamba halifanyi siasa na kwamba litaendelea kumsaka mtu huyo, kwa kuwa kanuni zake haziruhusu askari kushabikia siasa.

Jana, Mkurugenzi wa Habari na Uenezi wa Chadema, John Mnyika alisema chama hicho kimeshangazwa na kasi ya jeshi hilo kuchunguza tukio hilo, huku akidai kwamba kuna masuala mazito ambayo hayajatolewa ufafanuzi kama lile la Meremeta.“Serikali ilikataa kulifuatilia kwa madai ya kutokuingilia usiri wa jeshi hilo na halikutolewa ufafanuzi wala kufanyiwa uchunguzi mpaka sasa,” alisema Mnyika na kuendelea.

 “Isitoshe Septemba, mwaka huu katika Mkutano Mkuu wa UVCCM Iramba, aliyekuwa Mweka Hazina wa Chama Cha Mapinduzi (CCM), ambaye kwa sasa ni Naibu Katibu Mkuu Bara wa chama hicho Mwigulu Nchemba (aliwahi kutoa matamko kuhusu JWTZ), lakini jeshi halikufikiria kuyatolea tamko.” 

Mnyika alidai pia kuwa wakati wa Kampeni za Uchaguzi Mkuu mwaka 2010, aliyekuwa Mnadhimu wa Jeshi hilo Luteni Jenerali Abdulahman Shimbo aliitisha mkutano na waandishi wa habari na kuvitaka vyama vya siasa kutokugomea matokeo ya uchaguzi kwa madai ya kulinda amani ya nchi.

“Kauli ile ya Shimbo ni ya kisiasa na ya kibaguzi ambayo ililenga kuvididimiza vyama vingine na kuibeba CCM. Mbona jeshi halichunguzi kauli hiyo hata baada ya Shimbo kustaafu?” alihoji Mnyika.

Mnyika alisema kwamba Chadema hakitaki kutumia tukio hilo la askari kuhalalisha makosa mengine, bali inataka sasa JWTZ iwajibike kwa kila jambo linalolihusu badala ya kukimbilia masuala yaliyofanywa na askari wadogo.

Hata hivyo, Mnyika alisema chama hicho hakipo tayari kuingia katika mvutano na jeshi kuhusiana na tukio la askari huyo kujihusisha na siasa mpaka jeshi hilo litakapokamilisha uchunguzi na kutoa taarifa yake kwa umma.

Kwa upande wake, Msemaji wa JWTZ, Kanali Kapambala Mgawe alisema kuwa jeshi litaendelea kujiweka kando na shughuli za siasa na kusisitiza kuwa mtumishi wake yeyote anayetaka kujiingiza kwenye majukwaa ya kisasa anapaswa kujitoa jeshini.

Akijibu hoja za Chadema kuhusiana na tamko lilitolewa na aliyekuwa Mnadhimu wa jeshi hilo Shimbo aliyewataka wanasiasa kutogomea matokeo wakati wa Uchaguzi Mkuu uliopita, Mgawe alisema: “Ebwa ehh! Na wewe sasa unataka kuniingiza kwenye siasa, mimi sitaki kuingia huko, lakini nikueleze kuwa sisi kama wanajeshi tuko royal (utii) kwa Serikali iliyoko madarakani,” alisema Mgawe.

Alisema kwa mujibu wa sheria, Jeshi halipaswi kufungamana na itikadi zozote za kisiasa kwani kwa kufanya hivyo kunaweza kulitumbukiza taifa kwenye hatari.

Chanzo: Gazeti la Mwanainchi

FICHUKA DEVELOPMENT AGENCY YATAMBULISHA MFUMO MPYA WA USAMBAZAJI WA KAZI ZA WASANII.

Kampuni ya Fichuka Development Agency Ltd, leo tarehe 21/12/2012 inatambulisha mfumo mpya kabisa  wa usambazaji wa  kazi za wasanii ambao umepewa jina la MFUMO RAFIKI (Code number) na utaanza kutumika rasmi kuanzia tarehe 23/12/2012 siku ya uzinduzi wa BUM KUBAM DVD utakaofanyika katika ukumbi wa New maisha Club ikiwa ni sehemu pia ya kuutambulisha mfumo huu mpya, tunaanza na msanii wa muziki  wa
kizazi kipya aina ya Hip hop Tanzania Nikki wa Pili katika Makala (Documentary) ya wimbo wake iliyopewa jina la BUM KUBAM DVD.

Bum Kubam inafungua njia ya mpya na ya kimaslahi kwa wasanii wa Muziki pamoja na Filamu nchini Tanzania, ikiwa ndio sekta pekee ambayo inakisiwa kuwa na uwezo mkubwa wa kutoa ajira kwa Vijana na rika lolote lakini ajira hizi hazikuonyesha kuzaa matunda lakini ujio wa MFUMO RAFIKI (Code Number) uliofanyiwa utafiti kwa  kina kwa lengo la kuokoa kizazi hicho katika kupambana na Maharamia.

Teknolojia hii mpya imegharimu kampuni fedha nyingi ikiwa katika utafiti pia kuutengeneza mfumo wa mauzo kwa kutumia mfumo wa Digitali ambao ni wa kwanza kabisa kufanyika Afrika pengine hata Ulimwenguni, hadi leo unatambulishwa kwenu wanahabari na umma kwa ujumla, kama tulivyosema awali kuwa makala ya Bum Kubam ni kazi ya kwanza lakini baada ya mwezi pia tutangaza kazi inayofuata kwa mfumo kama huu wa mauzo.

Kwa utafiti uliofanywa  kwa zaidi ya miaka mitatu na muasisi/mkurugenzi  wa kampuni ya Fichuka Develoment Agency  Frank John akishirikiana na wataalam kutoka sehemu mbalimbali waligundua kwamba sababu za wasanii kutonufaika na kazi zao ni, kuwepo kwa bidhaa Bandia (Fake) sokoni, kukosekana njia rahisi ya msanii kujua mauzo halisi  ya kazi zake, kutopatikana kwa kazi ya msanii